همسات الحب لم يريد

1 احبك لو يموت الحب وتصير القلوب قبور
احبك كلمة لو حرموها حل تفكيري !

احبك من هنا حتى طلوع الفجر حد النور..
صحيح انك قدر محتوم بس اجمل مقاديري !

احد ربي يحطك له حبيب ومايجيه غرور ؟!
وانا مهما منحتك من غلاي اشعر بتقصيري !

ولوطالت مشاوير الطريق المظلم المهجور
انا لامن ذكرتك قلت احبك يامشاويري !

2 تجين نقفل أبواب الفراق ونبلع المفتاح ؟!!
بعد مانسترد اللي من أحلام الوصل فاتك !

تجين نغمض عيون القلوب ونتبع الارواح..
وأراهن شمسك اني لأزور أبعد مداراتك !

تجين نعد كم نجم تعثر في سناك وطاح..
وكم بدر تمنى لو قباله مثل تقفاتك !

وتجين نشاور أهداب السحاب اللي عجز يرتاح
يحسب الصبح نور الشمس وهو ظلال وجناتك!

3 تعال نعطش / وتشربني / وانا اشربك !
تعال قبل الوعد اجلس معي نحتريك !

تعال شفني وانا استناك .. كم اشبهك!
يطري علي ألف راي وراي واحتار فيك!

اجي مكان الوعد ؟! والا اسبقه انطرك !!
والا اخذ الموعد اللي يحتريك واجيك ؟!

يا آخر الحب ذقت الحب فـي اولـك..
ويا أول الشوق اقصى الشوق ماينتهيك!

4 من شفتك عرفت ان الظلام..
خيمة سهيل وديار الجدي !

ليلة البرد ما ادفاني الثمام..
وصلك أنت الدفا ياسيدي !

ان ضحك لي هدبك المستهام..
طاب لي كل قاع جرهدي !

القصايد عن وصوفك صيام..
عذرها إنك جمال سرمدي !!

وصفك ارض بها خيل الكلام..
ملت الركض وأتعبها العدي !

5 إذا الجرح أنخلق لإنسان أنا إنسان أنخلق لجراح
وإذا الأحزان لأبن أدم ، أنا ابن ادم لأحزاني !

عزيز القوم ذل بلعبة الغفران والتفاح،
ولاني سائل رب العباد يجيك ما جاني !

ولاني طالب إلا إني إلامني بكيت ارتاح،
ولاني طالب إلا ان انت ما تشمت بوجداني !

لقيتك تلتفت لي في الدموع وغامرتك أفراح،
ومت من القهر حتى بهذي وتحداني !