يامات القراية.............مسلسل المدرسة......ادخل تفهم

صباح الخير/مساء الخير
عليكم
ان شاء الله راكم بخير
بسم الله:
الموضوع راهو يحكي على يمات القراية من البريمار حتى للباك.....
اقراوه حتى للاخير
و قولولي واش عندي الحق ولا لالا
مسلسل المدرسة:
مرحلة ابتدائية:مرحلة جديدة من حياتك...تنفصل عن العائلة...تتعلم تخالط الناس...تعرف معنى التجمعات تولي عندك انستي ...تولي عندك اللمجة والمحفظة...

يولو عندك صحاب وتعرف معنى المنافسة...تولي كاينة الاملاء و الكتابة و هاجس واحد اخر و اللي هو التلميذ الاول فالكلاصة...
مرحلة السويام:هنا تبدا تتكون شخصيتك وتزيد عليك المسؤوليات... هذا تاريخ و هاذي جغرافيا...وسيرتو الشبح الاسود واللي هو الرياضيات...لولد يولي يحسب روحو راجل ...و الطفلة تولي تشوف لعميرتها..و من هنا يبداو ليكور اللي يفلسو الوالدين
مرحلة الليسي:ا بابا رانا لحقنا للليسي هنا تتبدل كامل العقلية ...سن المراهقة ..التلاميذ يهبلوا و الوالدين عندهم ما يسوفرو...الكرطاب فارغ ..ستيلو و كايي ...الطفلة تطير الطابلية...و الولد شعرو يبنgليه ...بلا ما ننساو اللبسة اللي كل واحد يخرجنا بستيل ...مبعد كي يلحقو للتارمينال والديهم يزيروهم يلزم تجيب الباك ... ما تبهدلنيش
لتما يبداو يتسgمو /ماشي كامل/ و يعرفو معنى الليالي البيضاء ..و المعاناة يقراو فالليسي و لعشية يديرو ليكور و كي يولو للدار يلقاو والديهم بالمرصاد
مبعد الباك لينجح نجح واللي مانجحش العام الجاي انشاء الله...واش من ليكادو وكامل الوالدين يقتخروا بولادهم...وهنا تبدا المعاناة ...واش منتخصص اندير الي نحبو ولا الي نلقا بيه خدمة ولا لزوج...ياما حابة طبيب وبابا حابني مهندس ...بصح انا نحب الاعلام الالي...يتلفولو مسكين لخيوط ...على كل حال يدور يدور ويروح يخير التخصص اللي يديه لعالم البطالة ...ااااااااه عفوا لعالم الشغل...
ان شاء الله يعجبكم الموضوع.....

مرحلة ابتدائية:
مرحلة جديدة من حياتك...تنفصل عن العائلة...تتعلم تخالط الناس...تعرف معنى

التجمعات تولي عندك انستي ...تولي عندك اللمجة والمحفظة...

************
و الله ضحكتني يا خويا كي فكرتني في هاد ليامات سيرتو هادو(اللمجةو آنستي)

أيامات روعة ..بالاك نوافقك في بعض النقاط من الموضوع و نخالفك في أخرى

على كل حال الله اولادنا و بناتنا و يوفقهم للطريق الصحيح

مشكور أخي على الموضوع
في انتظار المزيد من اسهاماتك للمنتدى

تحيــات أخوك

YaCiNoU_KaNaRi

مسلسل رائع يحكي على حقيقة مؤلمة .بارك الله فيك.نتمنى المزيد من كتباتك.

الجوهرة الغالية كتب:: مسلسل رائع يحكي على حقيقة مؤلمة .بارك الله فيك.نتمنى المزيد من كتباتك.

آه راك فكرتني يا كاتب الموضوع في حوايج سيفوييير
أما أنتي اختي هاذي ماشي حقيقة مؤلمة و إنما سوفونر رائع

» هل تفهم المرأة الرجل الصامت؟؟
» ارواح تفهم معادلات اكسدة/ ارجاع خاصة لرمضان حمود
» ۝ هل المدرسة اصبحت رعبا ً ؟ ۝
» كل مناهج المدرسة الجزائرية .
» الهاتف الجوال بين التلاميذ في المدرسة: