كيف تعرف انك جزائري؟؟؟ (made in DZ)

.السلااااااااام عليكم ورحمة الله وبركاته

اعضاء المنتدى الكريم ان شاء الله تكونوا كاملين لاباااااااااس

راني جبتلكم موضوع من خلالو تقدروا تعرفو الدزيري ولا الجزائري من بين ملياااار شخص نخليكم مع الموضوع

*كي يتلموا كل افراد العائلة كل يوم الجمعة وعلى طبق الكسكس فإعلم بللي راك جزائري

*كي تتفقد قارورة الغاز بشعلة نار او شعلة عود كبريت ومتجيكش بللي فيها خطورة عليك فإعلم أنك جزائري

*كي يعتبرونك قاصر على ترك بيت الوالدين ونتا عندك 30 سنة فإعلم بللي راك جزائري وإبن جزائري

*اذا كان غدوا إن شاء الله هو اليوم الللي تخطط باش تدير فيه كلش فإعلم أنك جزائري

*اذا قلت كلمة ان شاء الله 60 الف مرة في جملة واحدة فاعلم بللي راك جزائري

*كي تحبس سيارتك ثلاثة أمتار قبل الإشارة الحمراء باش تكون أول من يقلع عند ظهور الإشارة الخضراء بينما تكون آخر من ينطلق لأنك ببساطة متولهتش فإعلم أنك جزائري

*اذا كنت غير مقتنع تماما بآخر الإحصائيات لأنك تظن أن ثلاثين مليون هم برك من يملؤون المقاهي فإعلم بللي راك جزائري

*كي تخرج ملابس الشتاء علا جال هبطت درجة الحرارة تحت الدرجة 25 فأنت فعلا جزائري

*كي تقول (شكون) حين يطرق أحد الباب كي شغل متقدرش تصبر علا الخطوتين التي تفصلك عن الباب لتعرف من الطارق
بصح لوكان كنت انت الطارق فترد وببساطة بـ أنا دون بلا متذكر اسمك طبعا كأنها كلمة السر التي تخول أيا كان بالدخول حينها تأكد بللي راك صح جزائري

*عندما يكون طعامك ومسكنك ودراستك ونقلك مجاني ومن فوق يقدم لك منحة مالية كل ثلاثة اشهر فاعلم انك والله لست مجرد طالب جزائري

*عندما يستلزم اقناعك بالنهوض والرقص في حفلة عائلية اكثر من اربعة اشخاص يحلفونك بكل من هو غال عندك بينما بمجرد ان تنهض واحد ميقدر يحبسك عن الرقص فأنت حقا جزائري

*كي تعيط بعد منتصف الليل بصاحبك بلا متحشم تسقسيه كي شغل متعرفش : هل أيقضتك؟؟ فأنت 100 بال100 جزائري

*كي تزيد في صوتك في إتصال مع صديق خارج حدود الوطن إقتناعا منك أنه قد لا يسمعك علا خاطر بعيد فأنت دون شك جزائري

*كي تكون كلمة الله غالب هي الجواب الذي تعلل به كل أخطائك فأنت والله جزائري

*كي يكون ردك لاباس الحمد لله حتى وان كنت في اسوأ حالاتك اذا سألك احدهم كيف حالك فاعلم انك جزائري

*عندما لا يعلم حتى أقرب المقربين إليك كم تتقاضى شهريا فأنت جزائري

*كي تحل هداياك بتأن و بطريقة تسمح لك باعادة استعمال ورق الهدايا لاحقا فاعلم انك جزائري

*كي تعيط علا سيدة ليست من اقاربك بقولك "خالتي" او "يما" اي امي فاعلم انك جزائري

*كي تاكل تخلي اللحم الى الاخير فانك والله جزائري

* كي تمتلك اكتر من 100% من الاقراص المضغوطة Cd ببيتك غير اصلية "مقرصنة" فاعلم انك جزائري ومايفوتك شيئ بخصوص التكنولوجيا والاعلام الآلي

* كي يكون gراج منزلكم مليئ بأشياء غالبا لا تستعملها لكنك تحتفظ بها ما عرفت يمكن يجي شي نهار تحتاجها" فاعلم انك جزائري

*كي كنت صغيرا كانو والديك يشريولك ملابس غالبا ما تكون اكبر منك بمقاسين علئ الاقل كي تستغلها لمدة اطول فاعلم انك جزائري ابن جزائريان

*كي تبوس ايدك لما تحك بيها عينك فوالله انك جزائري

* كي تحتاج لصاحبك تبيبيلو 10 مرات حتى يكره من رناتك ويجي هو لحد عندك فاعلم انك جزائري

*كي تعيط علا أي احد تعرفو ولا ماتعرفوش خويا أو أختي حتى ولو كنت في الخارج تقول mon fréreخاصة المغتربين حتى ظن الغرب ان كل الجزائريين اخوة من ام واب واحد فاعلم انك جزائري

*كي تدخل على بيت من البيوت ليلا وتلقى افراده نائمون في فناء البيت او في سطحة فاعلم انك عند عائلة جزائرية

*و في الاخير تحيا الجزائر بها باولادها وبناتها وشهدائها*

[ندعوك للتسجيل في المنتدى أو التعريف بنفسك لمعاينة هذا الرابط]

بلد العزة والكرامة والوفاء

تحيا الجزائر
انحبها كيما جات
مشكووور اخي

تحيا الجزائر, بها بشعبها, نحبوها والله غالب

شكرا الأخ على الموضوع حقا صور لا تجدها إلا في الجزائريين!!

تحياتــي للجميع

MoHaMeD-BaLl

حقا نحن الاورع و الاكمل و الامثل و الاجمل

لو لم أكن جزائـري لتمنيت ان اكون كذلك

*كي يتلموا كل افراد العائلة كل يوم الجمعة وعلى طبق الكسكس فإعلم بللي راك جزائري

بارك الله فيك أخي على الموضوع

ولا تحرمنا من جديدك

بالتوفيق لك

» هل تعرف معنى الشهادة وشروطها ام انك فقط ترددها ولا تعرف معناها اذا ادخل لتعرف المعنى
» لغز جزائري الصنع
» تأكد أنك جزائري-ة- 100%
» أرواحو تضحكو شويا - صنع جزائري 100%
» هل هذا لاعب ام طائر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ كل ما اعرفه انه جزائري