نكت مضحكة

السلام عليكم
ان شاء الله ينال الاعجاب من كل الاطراف :


قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس لاتاي. شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير لاتاي..

................

وحدة سمينة بزاف...راحت عند الطبيب باش يعطيلها الدوا باش تشيان. مدلها باطة كاشيات وقاللها كل نهار تاكل 2 حبات
هي نسات. وكلاتهم قاع مرة وحدة
ولعشيا جا راجلها للدار وحوس عليها ومالقاهاش
قاللها : عيشة وين راكي؟؟؟
قاتلو راني وراء المكنسة

................

قالك واحد حابس راح للفارماسيان باش يشري الدواء ..الفارماسيان أعطالو كاشيات و قالو :2 حبات مور القهوة

السيد راح ثم رجع وقال للفارماسيان : خويا معليش نشربهم مور الريستورو
................




قالك سرات اكسدنت بين 2 مرسيداس اخر عيطة ..بداو يداوسو صحاب السيارات في ما بيناتهم........حبس واحد مولا R4 رايبة واش قاللهم؟؟؟ ماتتقلقوش تقدرت..و حنا قاع عندنا الماتريال و نخافو عليه ...
. ...............


واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة .....
................

خطرة واحد كان يسرح بالنعاج وحاط رجل فوق رجل ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في رجلي .لقيت النعاج طاحو....

................

قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو"واش راك تسمع" قالو المهبول " اسمع بوذنك" كي حط الطبيب وذنو على الحيط قالو "ماراني نسمع والو"ايا قالو المهبول "هادي اللي راها مهبلتني " .....




اتمنى الاعجاب منتظرة على نار

شكرا ااااااااااااااااااااااااااااااااااااااا
اتمنى لك من كل قلبي النجاح بــــــــــــــ : 16
اميتــــــــــــــــــــــــــــــــــــــــــــــــــــــــــــــــــــــــــــــــــــــــــــــن

شكراااااااااااااااااااااااااااااااااااااااااااااااااااااااااا