+/+ شوفوا لويــن وصلنــا هــــاد الزمـــتان +/+

السلام عليكم

خاوتي كي العادة

نحاول نعالج قضية هنا في التربيه و أكيد طريقة المعالجة لا تخلو من الطابع الشعبي

نخليكم معاها

نتمنى تعجبكم


بكري كنا كامل قانعين غير كاس لبن يكفينا

و اليوم رجعنا طامعين كنوز الدنيا ما ترضينا

الراجل عاد يصرف دراهمو كاملين على ذيك البنت الزينة

غابت عقلية الجدين و جات عقلية جديدة ما تواتينا

السروال مقطع و المنقوشة في الوذنين و زيد القومينا

الراجل رجع يشبه لنسرين هي في السوق و هو في الكوزينة

يا لطيف من هاذ الوقت الشين الرجلة ولات ما فينا

تعمار الراس بالشيرة و الهيروين في مكان اللبن رجت البيرة في يدينا

و ين رانا رايحين وين هاذ العقلية وين رايحة تدينا

البنات دوروها سراول جين مزير كاش نهار يطرطق علينا

و اللبسة الفاضحة ما تستر لا شعر لا رجلين و تقول الحضارة لحقت لينا

تمشي و الشباب موراه لاحقين حتى يوصلوها ليماها المسكينة

واش من حضارة يرحملكم الوالدين ما بقى لا رزين لا رزينة

نطلب من الله رب العالمين يرجعنا للصواب و يهدينا

رانا مبهدلين و مفضوحين و أهل العقول جايبينها علينا

دوغيااااان