شعب الحلوة - كي تشتري حاجة يرد ليك الصرف حلوة

السلام عليكم

في الجزائر فقط - كي تشتري حاجة يرد ليك الصرف حلوة

ظاهرة غربة انفرد بها هذا المخلوق الغريب الأطوار طبعا الجزائري تضاف إلى سجله الحافل بالخوارق في التصرفات اللا شعورية والاستشعاريه

أيا كي تدخل إلى دكان و تشتري عليه مجموعة مواد غداءيه و يبقى ليك صرف مثلا ثلاث مائه فرانك يرجع ليك ثلاث حبات حلوة أو علك ههههههههه
تشتري خبزة واحدة ثمنها ثمانية دينار مثلا و تعطيه ألف فرانك يعطيك الخبز و معاه زوج حبات حلوة
تدخل إلى طاكسي فون تعيط بالهاتف تقول ليه ثمن المكالمة شحال يقول ليك ألفين و ست مائه تعطيه ثلاث آلاف يرجع ليك أربع حبات حلوة أو علك ههههههه
أملا تديهوم و تخلطهم مع الصرف كي تلقى أي طفل في الطريق تعطيه هاديك الحلوة
صدقه إجبارية ههههه ماشي جارية
يرحم باباك شكون لي قال ليه أنا ناكل الحلوة
بلاك انا أسنان كامل مساوسين أعطيني صرفي
يا هل ترا المرة الجاية لو كان نجي أنا نشري عليه خبزة واحدة ثمنها ثمانية دينار و نعطيه خمس مئات فرنك معها ثلاث حبات حلوة هادوك لي رجعهوم لي المرة السابقة
هل يقبل و يبيع لي
أيا نردوهأ كامل الصرف بالحلوة
و عشرين ألف 20000 هي حبة تاع كعك
مئات ألف 100000 هي إن تارت Une Tarte
تشوف الجزائريين طالعين بالحلوة و حبطين بالحلويات الكوفر معمر حلوة ماشي دراهم
تروح لي البوسطة بصك بريدي يعطوك عورام حلوة
تروح تخلص الماء و الكهرباء بي قفه حلوة
تفليكسي الحلوة في البورتابل ،،، و ما يقول لكش بق لك لي زينيت يقول ليك باقي ليك حلاويتي
واقيلا هذا هو حل مشكل السيولة النقدية في الجزائر

أيا ألردود تكون كذالك ب الحلوى تاع دراجي

والله عندك حق خويا

بالاك

معندوش الصرف

وبلاصتها يرجعلك

3 ولا 4

حلوات

كابريس

هههههههههههههههه

كم أنت غريب أيها الجزائري وعجيب

صح بلاك يخاف يقول انه لا يسامحه و سوف يحاسبه في الأخرة و الله الدنيا صعبة بزاف

السلام عليكم ورحمة الله وبركاته

هههه انا قليل وين تصرا معايا حتى آخر مرة الي حدثت ما تذكرتهاش

كما قلت انت وشكون قالو بلي تحتاج حلوة وممكن انت تحتاج الصرف

هذاك باش تزيد عليه صرف وتشري حاجة اخرى.

ملا مرة اخرى ان شاء الله مدام انهم يعطيولك حبات الحلوة خبيهم

كما تعود تروح تشري الخبز اعطيلو 5 دنانير وزيدلو ثلث حبات الحلوة

علاه هوما برك الي يعطيوا الحلوة

وشكرا ليك خويا على الموضوع

» شكون لي عندو الصرف خاوتي ههههههه.....
» احذر هذه الكلمات عندما تشتري ملابسك
» الى كل محبي الحكم الغيني عندي حاجة تفرحكم + مفاجاة بالداخل
» طريقة حلوة تتخلص من الخوف !